فتح التسجيل لبرنامج المساعدات الغذائية من برنامج الأغذية العالمي قطاع غزة - فلسطين

 

منهاج التحاليل الطبية " تعلم الفحوصات الطبية لدينا  خطو ة خطوة " 

سنتحدث اليوم عن الاختبارات الكيمائية الحيوية لمعرفة بكتيريا جرام موجب 

الشـــــــرح بطريقة سهلة وبسيطة : 

( Biochemical tests to identification of gram positive cocci )

الاختبارات الكيميائية الحيوية لمعرفة البكتيريا الكروية الموجبة لصبغة غرام

بحث و تجميع و إعداد و كتابة : ( أحمد عرفات )

بسم الله ، و لا إله إلا الله وحده لا شريك له ، القوي القهار العظيم الجبار ، مكور الليل و النهار ، ما كفت أن تكون مداد كلماته المحيطات و البحار ، و ما سعت أن تدركه العقول و الأبصار ، سبحانه ساترنا و راحمنا و رازقنا لكن الإنسان لظلوم كفار ،،،

و الصلاة و السلام على النبي المختار ، لين القلب رحيم الفؤاد ما قدرت لقوة ثابته أن تثنيه قريش و القبائل في القفار ، من رآه أحبه و عرف أنه نبي من الله مصدقا لما معه و ما نبأ به حدث و صار ، سيد الأخلاق جميل المرأى عظيم القدر و منه تتعلم الأخيار .. فاللهم صلِّ و سلم و بارك عليه و على آل بيته و صحابته الكرام الأطهار .......

أما بعد :

- لما نيجي نتكلم عن البكتيريا الكروية اللي بتكون موجبة لصبغة غرام gram positive cocci ، فاعرف إنه اجنا بنتكلم عن المجموعات الرئيسية لهادي البكتيريا و هي :

١ - المكورات العنقودية Staphylococci ، و سميناها عنقودية لإنه لما تنمو بتنمو على شكل ( عنقود العنب )

٢ - المكوّرات السبحية Streptococci ، و سميناها سبحية لإنها لما تنمو بتنمو على شكل ( خرزات السُّبحة اللي بنسبِّح فيها ) لإنها بتكون مصطفو ورا بعض زي خرزات السُّبحة

- الاختلاف الرئيسيي بين بكتيريا Staphylococci و بين بكتيريا ال Streptococci ، هو :

( إنه بكتيريا الStaphylococci بتكون موجبة positive في فحص إنزيم الكتاليز catalase positive ،،،، بينما بكتيريا الStreptococci بتكون سالبة negative في فحص إنزيم الكتاليز catalase negative )

⚀ بس في ملاحظة مهمة :

واحد بيسأل عادي ليش أحيانا بنقول Staphylococci و أحيانا بنقول Staphylococcus ؟؟؟!!!

و ليش أحيانا بنقول Streptococci

و أحيانا بنقول Streptococcus ؟؟!!

شووو الفرق بين Cocci و بين Coccus ؟؟؟!!

طبعا بدون فلسفة من حدا لو حضرتك عارف غيرك مش عارف و مش عيب نتعلم ....

شوف يا سيدي Coccus ( مفرد ) و ( Cocci )

لإنه الكلمة اللي بتنتهي ب(us)في الجمع بتصير بحول ال(us) إلى (i) ....

فمعنى Streptococcus المكوِّرة العنقودية و معنى

ال Staphylococci المكوِّرااااااات العنقودية ...

و معنى Streptococcus المكوِّرة السبحية

و معنى ال Streptococci المكوِّرااااااات السبحية ....

تمام هيك

الآن نيجي ل biochemical tests الاختبارات الطيكيتئية الحيوية لمعرفة ،،،،،

البكتيريا الموجبة لصبغة غرامgram positive cocci :

أولا : اختبار الكتاليز Catalase test

 

- الكتاليز Catalase هاد عبارة عن إنزيم بيعمل على تجزئة و تقسيم ال ( hydrogen peroxide H2O2) إلى :

١ - ماء water H2O

٢ - أوكسيجين O2

- واحد حيسأل و يقول : طيب شو هو

ال ( hydrogen peroxide H2O2) ؟؟

نقوله :

( هو عبارة عم ناتج لعملية التنفس respiration في الجسم و هو بيتم اعتباره قاتل lethal لو تراكم داخل الخلية يعني بيعمل على تدمير الخلايا لو تراكم فيها فلااااازم يتك النحلص منه و منع تراكمه )

- كل الكائنات اللي بتتنفس إلها آليات بتععل على إزالة النواتج السامة لعملية التنفس بعملية اسمها detoxification ... و إنزيم الكتاليز Catalase بيعمل على آلية إزالة الناتج السام من عملية النتفس و هو hydrogen peroxide و عشان نكون واضحين اكثر و أدق أكثر هو ما بيزيله هو بيعمل على تكسيره أو تجزأته ...

- طيب شو دخل هالكلام في موضوعنا ؟؟؟!!

الجواب :

بكتيريا ال Staphylococci بتعمل على إنتاج إنزيم الكتاليز و بيتم اعتبارها (catalase-producing bacteria) بينما بكتيريا ال Streptococci ما بتنتج إنزيم الكتاليز

فلما نيجي عشان نعرف البكتيريا اللي نمت عندي في المزرعة هل هي Staphylococci ولا Streptococci ... بنحط محلول الhydrogen peroxide على المستعمرة البكيرية اللي أمامي Colony فلو شوفت إنه في فقاعات بدأت تطلع هاي معناها إنه البكتيريا هادي Staphylococci و لو ما شوفت فقاعات بدأت تطلع معناها Streptococci ...

- الفقاعات bubbles هي عبارة عن الأكسجين O2 الناتج من تكسير ال ( hydrogen peroxide H2O2) إلى :

ماء H2O و أوكسيجين O2 .

و المعادلة هي :

(( H2O2•••••••( Catalase )••••••>>> H2O + O2 ))

......

- الحالات اللي بعمل فيها اختبار الكتاليز Catalase test هي :

١- لما تكون البكتيريا موجبة لصبغة الغرام Gram positive و بدي أفرق بين :

بكتيريا الStaphylococci و هي موجبة الكتاليز (Ctalase positive)

و بكتريا Streptococci و هي

سالبة الكتاليز (Ctalase negative)

٢ - لما بدي أفرق بين :

بكتيريا ال Listeria monocytogenes و هي موجبة الكتاليز (Ctalase positive)

و بين بكتيريا beta hemolytic streptococci و هي سالبة الكتاليز (Ctalase negative)

٣ - لما بدي أفرق بين :

ال Bacillus species

اللي بتكون موجبة الكتاليز (Ctalase positive)

و بين الClostridium species

اللي بتكون في الأغلب (Ctalase negative)

٤ - في معرفة أغلب أنواع ال Neisseria

اللي بتكون موجبة الكتاليز (Ctalase positive)

........

- طيب الأدوات اللي بنحتاجها للفحص هاد هي :

١ - البكتيريا اللي حفحصها (Tested microbe)

٢ - محلول ال ( hydrogen peroxide H2O2)

.......

في طريقتين لفحص الكتاليز Ctalase test ، و هم :

١- طريقة الأنبوبة Tube method

٢- طريقة الشريحة Slide method

و نشرح خطواتهم على السريع :

(١) طريقة الأنبوبة Tube method :

بنغمس عن طريق ال Loop البكتيريا في Slant agar و بنتركها تتحض في ال incubator لمدة 24 ساعة على درجة حرارة 37 ،،،،

و بعد ال 24 ساعة في ال incubator بنحط في الانبوبة واحد مللي لتر ( 1ml ) من محلول الH2O2 تركيزه %3 .

طيب واحد حيسأل شووو هو ال Slant agar ؟؟

هو عبارة عن آجار موضوع لي أنبوبة بشكل مائل و ممكن تبحثوا عن أشكاله على google ...

لما الآجار يغلي بقوم بصبه في أنابيب و قبل ما يبرد و يتصلب بقوم بميله على جنب عشان ياخد الشكل المائل و بعد هيك بحفظه بشكل عامودي عادي لإنه خلص اتصلب و هو على شكل مائل .

و أنا بقوم بعمل آجار مائل في الأنبوبة عشان يعطيني مساحة سطح أكبر و هاد بيخليني أقد أحدد البكتيريا القليلة الموجود في عيمة كبيرة اللي صعب أقدر أحددها فبقوم بزرعها في الآجار المائل و هاد بيتيح لي

(٢) طريقة الشريحة Slide method :

بنحط واحد مللي لتر ( 1ml ) من محلول الH2O2 تركيزه %3 على الشريحة و بناخد بالLoop عينة من المستعمرة colony اللي نمت على الطبق الآغار و بنغمس العينة في المحلول اللي على الشريحة و بنحرك

***النتيجة :***

أ- في حالة ظهرت عندي فقاعات Bubbles معناها النتيجة موجبة positive و بتكون البكتيريا إما :

Staphylococci, Listeria monocytogenes, Most Neisseria species & Bacillus

لكن ....

عشان انا عارف إني بشتغل في

بكتيريا gram positive cocci

يبقى مباااااااشرة بقول إنه البكتيريا هادي Staphylococci .

***

ب- في حالة ماااا ظهرت عندي فقاعات Bubbles معناها النتيجة موجبة Negative و بتكون البكتيريا إما :

Streptococci , Clostridium

لكن ....

عشان انا عارف إني بشتغل في

بكتيريا gram positive cocci

يبقى مباااااااشرة بقول إنه البكتيريا هادي Streptococci .

ثانيا : اختبار تحلل الدم Blood hemolysis

- مصطلح الHemolysis بيعني تكسر أو تحلل خلايا الدم الحمراااااء ... فقط الحمرااااااء ما إله علاقة بخلايا الدم البيضاء و الصفائح الدموية المصطلح هاد خااااص فقط بتحلل خلايا الدم الحمراااااااااء .

- مصطلح ال Hemolysis لو بظتا نكتبه بالبريطاني بنضيف حرف الa قبل الe فبصير ( Haemolysis)

- قدرة المستعمرات البكتيرية على تحليل الدم أو التحفيز على تحليل الدم على آجار الدم blood agar اللي انزرعت عليه بيخليني أقدر أصنف نوع الmicroorganisms و هادي الشغلة بتخليني بشكل خاااااص أصنف أنواع بكتيريا الstreptococcus اللي هي ( streptococcal species) .

- المادة اللي بتفرزها البكتيريا و بتعمل على تحلل الدم ( hemolysis) اسمها معروف بال(hemolysin) .

- و بكتيريا الstreptococci بناء على قدرتها على عمل تحلل للدم hemolysis ، بتنقسم لثلاث مجموعات بنااااااء على قدرتها على تحلل الدم و هي :

١- النوع الأول Alpha hemolytic streptococci :

********************************************

و اللي بتسبب تحلل للدم من نوع ألفا α-hemolysis أو بنسميها في بعض الأحيان بالتحلل الأخضر

green hemolysis

لإنه تحليل أو تكسير البكتيريا للدم حيسبب في تحول الوسط من اللون الأحمر للون الأخضر ، و كمان إله اسم آخر و هو التحلل الغير كامل incomplete hemolysis أو التحلل الجزئي partial hemolysis ، و فيها بيكون في تحلل للدم على آجار الدم لكن مش تحلل كامل يعني نص نص .

تحلل الدم من نوع ألفا α-hemolysis اللي بيسببه الهيدروجين بيروكسيد •hydrogen peroxide •H2O2 بيتم إفرازه عن طريق البكتيريا ...... بيعمل على أكسدة الهيموجلوبين oxidizing hemoglobin إلى مركب الميتهيموجلوبين الأخضر green methemoglobin و هاد سبب ظهور آجار الدم في التحلل هاظ باللون الأخضر و بسببه بنسمي التحلل بالتحلل الأخضر green hemolysis .

٢- النوع الثاني Beta hemolytic streptococci :

********************************************

اللي بتسبب بتحلل الدم من نوع بيتا β-hemolysis ، و بنسميها أيضا بالتحلل الكااااامل complete hemolysis ، و بيكون فيها تحلل كااامل لخلايا الدم الحمراء في الوسط المزروعة عليه البكتيريا حوالين و تحت المستعمرة colony البكيرية و المنطقة اللي تعرضت للتحليل بتظهر بلون الأصفر المخفف يعني بيكون لون أصفر فااااتح جداااااا و بيكون شفاف .

المادة اللي بتعمل على تحلل بيتا β-hemolysis اللي بيكون فيها التحلل كااااامل هي مادة ال( Streptolysin ) و هي عبارة عن عن إنزيمات بتكون عبارة عن سموم خارجية exotoxin بتفرزها البكتيريا اللي بتسبب التحلل الكامل لخلايا الدم الحمراء .

٣- النوع الثالث Gamma hemolytic streptococci :

***********************************************

اللي بتسبب بتحلل الدم من نوع جاما γ-hemolysis ، و هاد أصلا ما بيكون فيه تحلل خاااااالص ، مااااااااا بيكووووووون فيييييييه تحلل خاااااااااااااااالص ، و بتلاقي وسط الآجار اللي كزروعة عليه البكتيريا ماااا فيه أي تغير صار .

........

طيب خلينا نتكلم عن بعض أنواع الStreptocooci ...

لأي مجموعة بتنتمي حسب

تصنيف لانسيفيلد Lancefield group

و شو نوع التحلل Hemolysis اللي بتعمله

و شو السِّمات التشخيصية إلها Diagnostic features ::

*** طيب أكيد حدا حيسأل شو هو

تصنيف لانسيفيلد Lancefield Classification ؟؟؟!!

الجواب :

هو التصنيف للي بيكون بناءً على

الكربوهيدرات carbohydrate اللي بتشكل جدار الخلية اليكتيرية Cell wall

و الكربوهيدرات carbohydrate هاد اللي بتتكون منه جدار الخلية cell wall لأغلب بكتيريا الStreptocooci بيشكل أساس التصنيف السيرولوجي serologic classification في مجموعات الStreptocooci حسب تصنيف اللانسفيلد فيها Lancefield groups

و ال Lancefield groups بيكون من ال ( A <<< H ) يعني من حرف A لحرف ال H

group A , group B , group C , ..... group H

و أيضا من ( K <<< U )

من حرف K لحرف ال U

group K , group L , group M , ..... group U

لكن ...

اللي بيهمنا هي اللي بتعمل الأمراض للإنسان و هي :

group A , group B , group C , group F

نرجع نقول : خلينا نتكلم عن بعض أنواع الStreptocooci ...

لأي مجموعة بتنتمي حسب

تصنيف لانسيفيلد Lancefield group

و شو نوع التحلل Hemolysis اللي بتعمله

و شو السِّمات التشخيصية إلها Diagnostic features ::

........... .......... ........... ........... ............... ..................

١- النوع : ( Streptocoocus pyogenes )

٢- المجموعة حسب تصنيف لانسيفيلد Lancefield group :

المجموعة (A)

٣- نوع التحلل Hemolysis اللي بتعمله :

تحلل بيتا ( β-hemolysis )

٤- السِّمات التشخيصية اللي بتميزها Diagnostic features :

>>> Bacitracin sensitive

........... .......... ........... ........... ............... ..................

١- النوع : ( Streptocoocus agalactiae )

٢- المجموعة حسب تصنيف لانسيفيلد Lancefield group :

المجموعة (

٣- نوع التحلل Hemolysis اللي بتعمله :

تحلل بيتا ( β-hemolysis )

٤- السِّمات التشخيصية اللي بتميزها Diagnostic features :

>>> Bacitracin resistant / Hippurate hydrolyzed

........... .......... ........... ........... ............... ..................

١- النوع : ( Streptocoocus faecalis )

٢- المجموعة حسب تصنيف لانسيفيلد Lancefield group :

المجموعة (D)

٣- نوع التحلل Hemolysis اللي بتعمله :

تحلل جاما γ-hemolysis

٤- السِّمات التشخيصية اللي بتميزها Diagnostic features :

>>> Growth in 6.5% NaCl

........... .......... ........... ........... ............... ..................

١- النوع : ( Streptocoocus pneumoniae )

٢- المجموعة حسب تصنيف لانسيفيلد Lancefield group :

لا ينطبق Not applicable عليها تصنيف ( Lancefield)

٣- نوع التحلل Hemolysis اللي بتعمله :

تحلل ألفا α-hemolysis

٤- السِّمات التشخيصية اللي بتميزها Diagnostic features :

>>> Bile soluble / Inhibited by optochin

........... .......... ........... ........... ............... ..................

١- النوع : Viridans group of Streptococci

٢- المجموعة حسب تصنيف لانسيفيلد Lancefield group :

لا ينطبق Not applicable عليها تصنيف ( Lancefield)

٣- نوع التحلل Hemolysis اللي بتعمله :

تحلل ألفا α-hemolysis

٤- السِّمات التشخيصية اللي بتميزها Diagnostic features :

>>> Not bile soluble / Not inhibited by optochin

ثالثا : اختبار الكو-أجيوليز Coagulase test

...................................................................

هاد الاختبار بيتم اعتباره اختبار تأكيدي confirmatory test للتفريق بين بكتيريا الStaphylococcus aureus اللي بتكون ممرضة pathogenic

( pathogenic Staphylococcus aureus )

و بين الأنواع الاخرى من بكتيريا Staphylococcus اللي بتكون غير ممرضة

( non-pathogenic Staphylococcus )

إنزيم ال Coagulase بتنتجه عدد قليل من بكتيريا

ال Staphylococcus ، و بيكون كعلامة مميزة من علامات تحديد الStaphylococcus .

إنزيم ال Coagulase بيعمل على تجلط الدم و هاد بيكون كأسلوب حماية بتتبعه اىبكتيريا لحماية نفسها من الأساليب الدفاعية للعائل

* مبدأ عمل الفحص :

.............................

الخلية بتحتوي على سطحها على بعض المواد اللي بترتبط بالفيبرينوجين (fibrinogen) و هاد بيسمحلها بتجميع الكائنات الدقيقة microorganisms في البلازما اللي بتحتوي على الفيبرينوجين (fibrinogen) .

و هاد بيتم تحديده عن طريق مشاهدة تجمعات clumping الكائنات الدقيقة microorganisms .

إنزيم الCoagulase اللي بيتم إنتاجه من بعض الأنواع من بكتيريا الستافيلوكوكسStaphylococcus species و هو الإنزيم اللي بيتك اعتبار كعلامة مميزة أو سِمة رئيسية لبتكيريا الStaphylococcus ، إنزيم الCoagulase بيعمل على تجلط في الدم coagulation of blood ،

- في طريقتين لعمل Coagulase test ، و هم :

١- طريقة الشريحة Slide method

٢- طريقة الأنبوبة Tube method

(١) طريقة الشريحة Slide method :

....................................................

أ- بنحط قطرة drop من بلازما الCoagulase اللي بيتمثل مأخوذ من الأرنب (rabbit plasma) على شريحة زجاجية تكون نظيفة و جافة .

ب- بنحط قطرة drop من الماء المقطر distilled water أو من المحلول الملحي saline بعد ما حطينا قطرة البلازما مش فوقها لااا جنبها و قطرة الماء المقطر أو المحلول الملحي بنعتبرها negative control .

ج- بناخد بال Loop كمية من من المستعمرة البكتيرية اللي زرعناها على الآجار و بعد هيك بنغمسها أولا على قطرة الماء المقطر distilled water أو قطرة الsaline ، و بعد هيك بناخد كمية تانية بالLoop و بنغمسها في البلازما ، و بنحرك تحريك بسيط حتى ياخدوا على بعض

* التفسير :

- لو صار في تجمع أو تجلط بقدر أشوفه بالعين المجردة يبقى النتيجة بتكون موجبة Positive و بتكون البكتيريا المزروعة هي Staphylococcus aureus

- لو ما صار تجمع أو تجلط يبقى النتبجة سالبة negative و بتكون البكتيريا المزروعة مش Staphylococcus aureus بتكون من الأنواع الأخرى من ال Staphylococcus .

(٢) طريقة الأنبوبة Tube method :

....................................................

أ- بنحط في الأنبوبة النظيفة الجافة نص مللي ( 0.5ml ) من بلازم الأرنب rabbit plasma و بنغمس فيها بالLoop كمية من المستعمرات البكتيرية اللي باخدها من الطبق المزروعة فيه .

ب- بعدين بنحط الأنبوبة في الحضانة incubator على درجة حرارة 37 و بنفحصها بعد 4 ساعات عن طريق إملة بسيطة للأنبوبة لو ما لقيت فيها أي تجلط برجعها للحضانة و بفحصها بعد 18 ساعة .

* التفسير :

- لو صار في تجمع أو تجلط بقدر أشوفه بالعين المجردة يبقى النتيجة بتكون موجبة Positive و بتكون البكتيريا المزروعة هي Staphylococcus aureus

- لو ما صار تجمع أو تجلط يبقى النتبجة سالبة negative و بتكون البكتيريا المزروعة مش Staphylococcus aureus بتكون من الأنواع الأخرى من ال Staphylococcus .

رابعا : اختبار إنزيم ال (دي أن إيه ) Dnase tests

............................................................................

هاد الاختبار بيتم اعتباره اختبار تأكيدي confirmatory test للتفريق بين بكتيريا الStaphylococcus aureus اللي بتكون ممرضة pathogenic

( pathogenic Staphylococcus aureus )

و بين الأنواع الاخرى من بكتيريا Staphylococcus اللي بتكون غير ممرضة

( non-pathogenic Staphylococcus )

* مبدأ عمل الفحص :

.............................

وجود إنزيظ ال Dnase بيمكّن الهلية البكتيرية من إنها تدمر جدائل ال ( دي أن إيه ) DNA strands ، و لما البكتيريا تنغمس في وسط بيحتوي على ال DNA و بعدين يتم غسلها بحمض الهيدروليك HCL تركيزه 1.5% ،

فلو كانت البكتيريا بتنتج إنزيم ال Dnase حتظهر منطقة شفافة و صافية clear حوالين نمو البكتيريا في الوسط ،

و لو ما كانت البكتيريا بتنتج إنزيم ال Dnase مش حيظهر أي تغيير في الوسط .

خطوات العمل :

....................

١- بنزرع البكتيريا اللي احنا بدنا نفحصها على وسط بيحتوي على الDNA و بيكون الوسط معروف ب(Dnase media)

٢- بنحط الوسط في الحضانة incubator لمدة 24 ساعة على درجة حرارة 37

٣- بعدين بنغسل الوسط بحمض الهيدروليك HCL 1.5%

النتيجة :

- لو ظهرت منطقة صافية و شفافة حوالين مكان نمو البكتيريا بتكون النتيجة موجبة Positive

- لو ما صار أي تغيير بتكون النتيجة سالب Negative

خامسا : اختبار تخمُّر المانيتول Mannitol fermentation

............................................................................

المانينول Mannitol هو عبارة عن كربوهيدرات قابل للتخمير ، و في طريقتين لفحص القدرة على تخمير الMannitol :

١- الطريقة الأولى :

........................

طريقة فحص القدرة على

تخمير المانيتول Mannitol fermentation باستخدام

Phenol Red-Mannitol broth

و هو عبارة عن وسط سائل في أنبوبة بيحتوي على المانيتول كمركب عضوي Mannitol broth قابل للتخمير و بيتم الكشف عنه باستخدام الكاشف Phenol Red .

٢- الطريقة الثانية :

........................

طريقة ايتخدام وسط آجار بيحتوي على أملاح المانيتول

Mannitol Salt Agar (MSA) Plates

و لما أقول أملاح المنيتول يعني مادة صلبة مش ملح بمعنى الكلمة

الطبق اللي بيحتوي على(MSA) بحتوي على كلوريد الصوديوم NaCl بتركيز 7%

- خدوا هالثلاث معلومات هادول :

١- مزرعة ال Mannitol Salt Agar )MSA( Plates تعتبر مكزرعة اختيارية selective media عشااااان زي ما قولنا بحتوي على كلوريد الصوديوم NaCl بتركيز 7% عشان بكتيريا ال (.Staphylococci sp) هي اللي بتتحمل tolerate كلوريد الصوديوم NaCl بتركيز 7% أو أكثر .

٢- مزرعة ال Mannitol Salt Agar )MSA( Plates تعتبر مكزرعة تمايزية differential أو تفريقية لإنها بتميز أو بتفرق بين أنواع الستافيلوكوكاي species of Staphylococci .

٣- مزرعة ال Mannitol Salt Agar )MSA( Plates بتحتوي على phenol-red pH indicator ، فبالتالي لو البكتيريا كانت بتخمر المانيتول فالمزرعة حتتحول للون الأصفر كدليل إنه البكتيريا مخمرة للمانيتول ، و إذا كانت البكتيريا غير مخمرة للمانيتول فالمزرعة مش حتتغير و حتضل باللون الأحمر .

خطوات العمل :

....................

١- بنحصل على طبق

Mannitol Salt Agar (MSA) Plates

٢- بنزرع على الطبق عينة من البكتيريا

٣- بنحطها في الحضانة incubator على درجة الحرارة المناسبة لمدة 24 ساعة إلى 48 ساعة

٤- بنلاحظ النمو على الطبق صار ولا لأ و هل تغير اللون ولا لأ

النتيجة :

...........

- لو صار نمو معناها البكتيريا Staphylococci و لو ما صار معناها البكتيريا مش Staphylococci

- لو تحولت المزرعة للون الأصفر معناها إنه هادي البكتيريا بتكون Staphylococcus aureus و لو ما ما تغيرت لون المزرعة معناها البكتيريا إما

Staphylococcus epidermidis

أو

Staphylococcus saprophyticus

■■■■■■■■■■■■■■■■■■■■■■■

في النهاية ناخد مقارنة سريعة بين كل من :

- Staphylococcus aureus

- Staphylococcus epidermidis

- Staphylococcus saprophyticus

مقارنة سريعة جدا :

1- Staphylococcus aureus :

Coagulase test : (+)

Colour differences in colonies : Gold - yellow

Hemolysis test : Beta

DNase : (+)

Growth on MSA : (+)

Mannitol fermentation : (+)

Staphyloslide test : (+)

Reaction to Novobiocin : Sensitive

**************************************************

2- Staphylococcus epidermidis :

Coagulase test : (-)

Colour differences in colonies : White

Hemolysis test : None

DNase : (-)

Growth on MSA : (+)

Mannitol fermentation : (-)

Staphyloslide test : (-)

Reaction to Novobiocin : Sensitive

**************************************************

3- Staphylococcus saprophyticus :

Coagulase test : (-)

Colour differences in colonies : White to yellow

Hemolysis test : None

DNase : (-)

Growth on MSA : (+)

Mannitol fermentation : (-)

Staphyloslide test : (-)

Reaction to Novobiocin : Resistant

.......

هذا ما لدي فإن كان فيه من توفيق فمن الله و إن كان من خطأ فمن نفسي و الشيطان .