بكل صراحة أجمل فيديو ممكن تشوفوه.. ممر شرفي من كلية كاملة لطالب في كلية الصيدلة ، حيث شهدت كلية صيدلة الزقازيق احتفال الدفعة الخامسة من كلية الصيدلية وسميت الدفعة بأسم " دفعة رمضان 43 " بمناسبة انتهاء الفصل الدراسي الثاني للعام 2020/2021 وقام طلاب الدفعة بعمل ممر شرفي للطالب احمد رمضان تقديرا علي جهوده ومساعدته لدفعته طيلة فترة الدراسة .
لنتعرف علي الطالب أحمد رمضان محمد عباس من صديقته أسماء كتبت عنه :
ناس كتير و أصحابنا بيسألونا عن رمضان وفاكرينه معيد او خريج بيساعدنا بس هو زميلنا والله ي جماعة ودفعة رمضان مش شهر رمضان
أحمد رمضان
عرفت رمضان كنا ليلة امتحان السيوتكس أولي ترم تاني وكانت زبالة والكل بيشتكي منها هو دخل شرح لكل واحد ف الكومنت بتاعه الجزئية اللي ماكنش فاهمها.
جت 2 حاول فيها انه يوفر كل تسجيلات المحاضرات ويضبطها لينا اسبوعيا.
كنا عند د.ربيع والوقت اتاخر علينا والمفروض نغلي حاجة وبعدها نشتغل هو تولي امر الغليان وكان بيدينا الحاجة جهزة علشان نخلص ونروح بدري.
ف أورجانك 2 كان بيعمل التجارب ف اللاب ويصورها لينا علشان نعرف نتخيل شكل التجربة واحنا بنذاكر العملي.
2و3 دكاترة الكورسات منعوا التسجيلات او الورق يوصل لباقي الدفعة هو كان بيحاول يوفرها رغم انه ممكن يحرجوه.
سنة 2و3 تاني كان معانا عيال بيختلفوا معاه وبيغلطوا فيه وهو ماكنش بيرد وبيستمر في مساعدته وماكنش بيبخل بحاجة ابدا.
دكاترة الجامعة كانوا مشيلينه مسئولية تبليغ الدفعة بأي حاجة واحنا كذلك للدكاترة وهو ماقصرش ابدا ف الدور دا .
كان بيساعدنا في تخليص الكتب او اكتيفيتي مطلوب .. كان بيكتب لنا بوستات مهمة ليلة امتحان عن مادة احنا نفسنا نزهق من طولها ونستغرب لطولة باله ف الكتابة.
سنة 4 بدأ يساعدنا بريكوردات للمناهج كلها .. واحد دفعتنا نزل معاه مرة لقاه بيقعد ف الواحد ب 7 ساعات علشان يعمله.
قبل مانمتحن مادة اللي علينا كان ينزل عنها كل حاجة وتوزيعة درجتها وتسجيلاتها وكله.
اي حد تواجه مشكلة مع الجامعة بدل المرة 1 0علشان يحلها.
رمضان نجدنا من جشع بعض المكتبات.
وقت كورونا..كان حاطط لينا جدول لكل مادة لعمل كل بحث ازاي بالمواقع اللي عايزينها وطريقة الشغل عليها حتي.
أصحابنا جالهم كورونا عمل لهم بدل البحث 3 و 4 .
زميلتنا مرة مش لقت لبن لبنتها جابه ليها وبعد فترة جابه تاني وفضل فاكر.
لو عاتبته يرد عليك باحترام ويوضح السبب لسوء الفهم.
حاول يجمع الدفعة من افطار ل فورمال"رغم اللي شافه فيهم" علشان يسيب لينا ذكري حلوة عن ايام الكلية بس هو طلع الذكري الحلوة لكل شخص فينا
من غير متطلب منه مساعدة وكتبت بس ع الجروب تلاقيه داخل يكلمك ويحاول يحل معاك.
اللي عمله معانا ف سنة 5 ظلم لو كتبته علشان مش هيوافي اللي حصل.
عمري ما هنسي اللايف اللي عمله يهون بيه علينا ف 5ترم أول قبل التأجيل واحنا كلنا حرفيا بنغرق وتايهين.
لاممنا علي خير وفضل فاكر هدف الدفعة انها عايزة تعمل صدقة جارية.
مرتين حد باعتله رصيد علشان باقته كانت بتخلص بسبب الدفعة وهو ردها ف التبرعات.
من أوائل الدفعة وعمره مابخل علينا بحاجة.
دفعتنا لو اتكلمت عنه مش هتوافي حقه علينا.
أتمني لما يجيلي البوست ف الميموري .. يكون واخد منحة دراسة برا علشان يستفاد ذي ما أفادنا الخمس سنينوأتمني انه ماينساش دفعته وانها هتفضل فاكرة الجميل دا طول عمرها وإن دعواتنا ودعوات أهلينا
تعليقات
إرسال تعليق