أي زمان نحن نعيش فيه وأي حياة تلك التي يتجرد بها الأب من مسئوليته عن أبنائه ما نسمه ونقراه الان لا يتم تصديقه اين غريزة الأبوة أين الحضن الدافئ والأمان .
صورة تعبيرية
أبوها طردها من البيت ونامت في الشارع !! #من_حكايا_اذاعة_الشعب
فجأة بتدخل عليك الاذاعة فتاة مطلقة في الثلاثينيات من عمرها تشتكي من أبوها طردها من البيت ونايمة طول الليل في الشارع 
- طيب ليش يختي طردك .؟
= علشان انسرقت من البيت جرة غاز وبيتهمني اني السبب
- طيب يختي روحي لمختار في حارتكم والا حد كبير بيحل موضوعك
= روحت لشيخ الجامع امبارح المغرب .. واجى يحكي لابوي وملاقهوش وما رجعتلوش تاني
-وشو صار بعدها ... ضليت أمش في الشوارع لنص الليل وبعدها نمت جنب حيطة ولما صحيت جيت على الاذاعة ..!
= طيب روحي للشرطة بيحلوكي ..
- لا بديش اشكي عليه بيحبسوه حرام ..!!!
= يختي بيحبسهوش بس بيحكو معاه وبيخلوه يرجعك ...
- لا بيحبسوه .. المرة الفاتت كتبوا عليه تعهد علشان عمل مشكلة وقالو له لو عملتها تاني حنحبسك .. وانا بديش ابوي ينحبس
- طيب يختي شو نعملك .. نرجعك لابوكي نحكي معاه يعني ... لا انا بديش ارجع له أبوي مش طايقني من يوم ما تطلقت .. وبدوش اياني في الدار وبيضربني
= تروحي على بيت الامان ...لا
= انتي عارفاه ... أه بنت اختي نامت فيه يومين لما جوز اختي طردها ورماها في الشارع ... كيف رماها وامها وامك وينهم من الموضوع ؟؟
= امي بتحكمش ومرت أخوي الجديدة بدهاش اي حدا اصلا من مرته القديمة .. !!!
= طيب احنا شو نعمل في هالقصص اللولبية هاي ؟ وين مؤسسات المرأة عن النساء هاي ؟ وين مراكز حقوق الانسان وين المشايخ وين المسؤولين والمخاتير هدا مش شغل اذاعات والله هيك كتيير علينا ...
منقول عن مذيع في إذاعة الشعب
لاحول ولا قوة الا بالله
تعليقات
إرسال تعليق